көрмей қону жүйесі

(Система слепой посадки)

көру мүмкіндігі шектеулі жағдайда немесе түнде ұшақты қону жолағына шығаратын немесе оның жер үстіндегі және ұшақтағы радиотехникалық жабдықтар кешені. Кешен радиолокациялық станция мен жүйелерден, байланыс құралдарынан тұрады. К.қ.ж-нің құрамына кіретін радиоэлектрлік құралдар ұшақтың аэродром ауданына және қонуға шығуын жер үсті радиолокациялық станцияларынан нұсқаулар берілуімен қамтамасыз етеді. Ұшу-қону жолағына дәл шығу жетекші радиостанциялар арқылы іске асады. Қонуды бастауды ұшқыш таңбалаушы радиомаяк сигналының (белгісінің) көмегімен ажыратады. Содан кейін радиобиіктік өлшегішпен ұшу биіктігін анықтайды. Ұшақты стандарт қисық (глисаде) бойынша ұшу жолағын көргенше төмендетіп, содан соң қондырады.